3. Inuit
isertitaat
Kapitalimi
uani inuit isertitaanut paasissutissat takuneqarsinnaapput. Immikkoortut
arfinilinngorlugit agguarneqarpoq, tassani inuit isertitaasa
assigiinngissusii erseqqissarneqarput, najugaqarfinni aammalu inuttut qanoq
inissisimaneq tunngavigalugit saqqummiunneqarlutik.
Inuit
isertitaat tamakkiisumik akileraartartut isertitaat tunngavigalugit
suliaapput, taakku nalunaarsuiffimmi inuit isertitaanut ilanngunneqarsimapput,
ukiullu naanerani 15-inik ukioqalereersimasuullutik. Taassuma saniatigut
Naatsorsueqqissaartarfiup inunnik nalunaarsuiffiani ukiup aallartinnerani aamma
ukiup naanerani nalunaarsimasuusariaqarpoq.
3.1
2020-mi inuit isertitaat
Isertitat
pillugit kisitsisitigut paasissutissat aallartillugit isertitat pillugit,
ukiumi pineqartumi inuit isertitaanut tunngasunik assigiinngitsunik
saqqummiussisoqarpoq.
Isertitat
pillugit nalunaarsuiffimmut inuit 49.202-t isertitaat 2020-mi
nalunaarutigineqarsimapput. Taakkunannga 42.562-it piumasaqaataasut
angusimavaat. Taakku isertitaat tunngavialugit 2020-mi inuit isertitaat
suliarineqarput.
Inuussutissarsiutinit
isertitat
Inuussutissarsiutinit
isertitat tassaapput, sulisut akissarsiaat, namminersortut
suliffeqarfiutiminnit sinneqartoorutaat aamma siunnersortinut
akissarsiarititaasut, nunaniillu allanit isertitat il.il. Meerartaarnermi
ullormusiat, angalanermi ullormusiat (diæt) aamma sulilluni tunissutisiat
taakkununnga isertitanut ilaapput, akissarsiat, sulilluni tunissutisiat
il.il. Inuussutissarsiutinit isertitat akileraannginnermi isertitaapput.
Takussutissiaq 3.1 2020-mi inuussutissarsiutinit isertitat
|
Inuit isertitaat tunngavigalugit |
Isertitat annertussusaat |
Inuit isertitaasa agguaqati-giissinnerat |
Inuit
isertitaat tunngavigalugit agguaquti-giissinnerat |
|
|
|
1.000 kr. |
Kronit |
||
|
Inuussutissarsiummit isertitat katillugit................ |
35.961 |
9.980.598 |
234.496 |
277.540 |
|
Akissarsiat, sulilluni tunissutisiat il.il. .................... |
34.404 |
9.073.351 |
213.180 |
263.730 |
|
Suliffeqarfiit sinneqartoorutaat |
3.662 |
834.255 |
19.601 |
227.814 |
|
Nunanit allanit isertitat ...... |
507 |
9.608 |
226 |
18.951 |
|
Akissarsiarititat aamma B-isertitat allat ................... |
3.378 |
63.384 |
1.489 |
18.764 |
Najoqqutaq: https://bank.stat.gl/INNPI101
Takussutissiami
3.1-imi takuneqarsinnaavoq 2020-mi inuit 35.961-it inuussutissarsiummit
isertitaqarsimasut. Isertitat katillugit 10 mia. kr.-iusimapput. 2020-mi agguaqatigiissillugu inuit 42.562-it
234.496 kr.-inik inuussutissarsiutinit
isertitaqarsimapput inuillu 35.961-t
agguaqatigiissillugu 277.540 kr.-inik
inuussutissarsiutinit isertitaqarsimallutik.
Inuussutissarsiutinit
isertitat annertussusaat ukioqqortussusermit aamma suiaassusermit
sunnerneqartarput. Nalinginnaasumik angutit inuussutissarsiutinit isertitaat
annertunerusarput arnanut sanilliullugit aamma sulisinnaasut akornanni
inuussutissarsiummit isertitat annertunerusarput.
Titartagaq
3.1. 2020-mi inuussutissarsiummit isertitat ukioqqortussutsinut aamma
suiaassutsinut immikkoortillugit
Najoqqutaq: https://bank.stat.gl/INNPI101
Isertitat
pillugit kisitsisitigut paasissutissanut utoqqalinersiaqalernissamut
pinngitsoorani akiliisussaatitaanermut aamma ATP-mut akilikkat akissarsianut
ilanngunneqanngillat. Utoqqalinersiaqalernissamut akilerneqartussat aatsaat
isertitat pillugit kisitsisitigut paasissutissanut ilanngunneqartarput
utoqqalinersiaqalersimagaanni. Nammineerlunili utoqqalinersianut akilikkat
ilanngunneqarput ukiumi akiliiffigineqartumi inuussutissarsiummit isertitatut
naatsorsuunneqarlutik. Suliffeqarfiit namminersortut naatsorsuutaasa inerneri
ukiumi pineqartumut naatsorsuutinut ilanngunneqartarput.
Isertitat
ikiorsiissutit
Pisortanit
ikiorsiissutit isertitat tassaapput utoqqalinersiat, siusinaarluni
soraarnerussutisiat, suliffeqanngikkallarnermi ikiorsiissutit assigiinngitsut,
pisortanit ikiorsiissutit, ilinniagaqarnermusiat,
ineqarnermut tapiissutit aamma meeqqanut tapiissutit. Malugiuk ikiorsiissutit
ilaat akileraarutaasussaanngimmata. Akileraarutaasussaanngitsut ilaatigut
ukuupput utoqqalinersianut, siusinaarluni soraarnerussutisianut ilinnigaqarnermusianullu tapiissutit assigiinngitsut.
Takussutissiaq 3.2 2020-mi pisortanit ikiorsiissutit
|
Inuit isertitaat tunngavigalugit |
Isertitat annertussusaat |
Inuit isertitaasa agguaqati-giissinnerat |
Inuit
isertitaat tunngavigalugit agguaquti-giissinnerat |
|
|
|
Amerlassusaat |
1.000 kr. |
Kronit |
|
|
Pisortat ikiorsiissutaat katillugit ................ |
19.473 |
1.046.365 |
24.584 |
53.734 |
|
Suliffeqanngikkallarnermi ikiorsiissutit, pisortanit ikiorsiissutit il.il........... |
6.110 |
102.622 |
2.411 |
16.796 |
|
Suliffeqanngikkallarnermi ikiorsiissutit.............. |
2.387 |
29.973 |
704 |
12.557 |
|
Pisortanit ikiorsiissutit....... |
4.390 |
72.648 |
1.707 |
16.549 |
|
Ikiorsiissutit allat......... |
11.994 |
267.627 |
6.288 |
22.313 |
|
Ilinniagaqarnersiutit........ |
4.808 |
144.432 |
3.393 |
30.040 |
|
Ineqarnermut tapit......... |
4.946 |
85.179 |
2.001 |
17.222 |
|
Meeqqanut tapit.......... |
5.316 |
38.017 |
893 |
7.151 |
|
Pisortanit soraarnerussutisiat |
6.547 |
676.117 |
15.885 |
103.271 |
|
Pisortanit utoqqalinersiat.... |
4.142 |
431.761 |
10.144 |
104.240 |
|
Pisortanit siusinaartumik soraarnerussutisiat........ |
2.753 |
244.356 |
5.741 |
88.760 |
Najoqqutaq: https://bank.stat.gl/INNPI101
Takussutissiami
3.2-mi takuneqarsinnaavoq 2020-mi inuit 19.473-it ikiorsiissutinik
isertitaqarsimasut. Pisortat ikiorsiissutaat 1,0 mia.
kr.-inik naleqarsimapput. 2020-mi agguaqatigiissillugu inuit 42.562-it 24.584
kr.-inik ikiorsiissutinik pisimapput, aamma inuit
19.473-it agguaqatigiissillugu 53.734 kr.-inik
pisimallutik.
Aningaasat
ikiorsiissutit eqqarsaatigalugit pisortanit soraarnerussutisiat
annertunerpaajusimapput 65 pct.-iullutik.
Ikiorsiissutit ass. ilinniagaqarnermusiat,
ineqarnermut tapiissutit aamma meeqqanut tapiissutit 26 pct.-iusimapput, suliffeqanngikkallarnermut ikiorsiissutit
aamma pisortanit ikiorsiissutit allat 10 pct.-iusimasut.
Ikiorsiissutinut
assigiinngitsunut ukioqqortussuseq apeqqutaasarpoq aamma ikiorsiissutit
annertussusaanut, tassunga tunngasoq titartagaq 3.2 takuuk. Inuusuttuaqqat
15-19-it akornanni ukiullit akornanni ikiorsiissutit allat saniatigut
ilinniagaqarnersiutinik ikiorsiisarneq annertunersaavoq. Sulisinnaasut
akornanni 20-64-illu ukiulinni suliffeqanngikkallarnermi ikiorsiissutit
annertunerpaajupput, taakkulu saniatigut ineqarnermut tapit 40-44-illu
akornanni ukiulinni annertunerulluni. Pisortanit soraarnerussutisiat
ukioqqortusiartorneq malillugu annertusiartorput, 50-54-illu akornanni
ukiulinnit aallartereertarluni.
Titartagaq
3.2 2020-mi pisortanit ikiorsiissutit ukioqqortussutsinut immikkoortillugit
Najoqqutaq: https://bank.stat.gl/INNPI101
Ikiorsiissutit
annertussusigisartagaat eqqarsaatigalugit ilaqutariit
qanoq isikkoqarneri qiviassallugit naleqquppoq. Pisortanit
ikiorsiissutigineqartartut annertussusigisartagaanut
uku pingaartuupput; siullertut, inuk kisimiittuunersoq imaluunniit aapparisamik
najugaqateqarnersoq, aappaatut ilaqutariit akornanni meeraqarnersoq,
meeraqaraanni meeqqanut tapisianik allanillu pisoqarsinnaasarmat.
Pigisanit
nalilinnit isertitat
Pigisanit
nalilinnit isertitat tassaapput inuup imaluunniit ilaqutariit pigisaanit
nalilinnit iluanaarutit. Pigisanit nalilinnit isertitanut ilaapput aktianit
pappialanillu pigisanit nalilinnit allanit iluanaarutit aamma annaasaqaatit.
Pigisanit
nalilinnit isertitat tamarmiusut tassaapput ernianit isertitat aamma pigisanit
nalilinnit ass. aktianit assigisaannillu isertitat
annaasaqaatillu. Ukiuni kingullerni ernianit isertitat ikilisimapput erniat annikillineri
pisuullutik.
Takussutissiaq
3.3 2020-mi pigisanit nalilinnit isertitat tamarmiusut
|
Inuit isertitaat tunngavigalugit |
Isertitat annertussusaat |
Inuit isertitaasa agguaqati-giissinnerat |
Inuit
isertitaat tunngavigalugit agguaquti-giissinnerat |
|
|
|
Amerlassusaat |
1.000 kr. |
Kronit |
|
|
Pigisanit isertitat, tamarmiusut |
1.773 |
6.848 |
161 |
3.863 |
|
Ernianit isertitat .......... |
1.591 |
479 |
11 |
301 |
|
Pigisanit nalilinnit allanit isertitat (aktianit allaniillu isertitat.) ... |
217 |
6.370 |
150 |
29.353 |
Najoqqutaq: https://bank.stat.gl/INNPI101
Takussutissiami
takuneqarsinnaavoq 2020-mi inuit 1.773-it pigisanit nalilinnit
isertitaqarsimapput. Pigisanit nalilinnit 6,8 mio. kr.-it isertinneqarsimapput.
Pigisanit nalilinnit isertitat annerpaartaat aktianit, obligationinit
ernianit assigisaaniillu isertinneqarsimapput. 2020-mi inuit 42.562-iusut
tamakkerlugit agguaqatigiissillugit pigisanit nalilinnit 161 kr.-it isertitarisimavaat, inuillu pigisanit nalilinnit
isertitaqarsimasut 1.773-it agguaqatigiissillugu 3.863 kr.-inik
isertitaqarsimapput.
Inuunerup
ingerlanerani pigisanit nalilinnit isertitat annertusiartortarput,
utoqqalinersiaqalernerullu nalaani annertunerpaanngortarlutik. Tamanna
pigisanit nalilinnit isertitanit takuneqarsinnaavoq. Pigisanit nalilinnit
isertitat annertussusaat suiaassutsimut attuumassuteqartut aamma
takuneqarsinnaavoq, takuuk titartagaq 3.3.
Titartagaq
3.3 2020-mi pigisanit nalilinnit isertitat, ukioqqortussutsinut
suiaassutsinullu immikkoortillugit
Najoqqutaq: https://bank.stat.gl/INNPI101
40-it
ukioqalernermiit angutit arnanit amerlanerusunik pigisanit nalilinnit
isertitaqartarput. Tamanna assigiinngitsunik nassuiaatitaqarsinnaavoq.
Nassuiaat siulleq tassaasinnaavoq, ilaqutariit nalilinnik pigisatik (kreditlån aamma ernianut aningaasartuutit ilanngullugit)
angummut nalunaarutigitittarsimasinnaavaat. Nassuiaat
taanna titartakkami 3.4-imi ilaatigut ilalersorneqarpoq, titartakkami tassani
takutinneqarput nalilinnit isertitat akiligassat akilereernerisigut. Ernianut
aningaasartuutit peereernerisigut arnat angutillu nalilinnit isertitaat
assigiiginnangajalertarput. Malugiuk pigisanit nalilinnit isertitat negativiunerat tamani, arnat angutillu akornanni aamma
ukioqqortussutsini tamani.
Titartagaq
3.4 2020-mi pigisanit nalilinnit isertitat akiligassat akilereernerni,
ukioqqortussutsinut aamma suiaassutsinut immikkoortillugit
Najoqqutaq: https://bank.stat.gl/INNPI101
Isertitat
pillugit kisitsisitigut paasissutissanut pigisanit nalilinnit isertitat
tamarmik ilaanngillat. Amigaatigineqartut annerpaat tassaapput
akileraarutitaqanngitsumik iluanaarutit, ass. illumik
tunisinermik pisinermilu aamma utoqqalinersiaqalernissamut pigisanit isertitat,
takuuk kapitali 7-imi immikkoortoq 7.4.
Naatsorsueqqissaartarfiup
kisitsisaataasiviani imminneerlutit inuit isertitaanut tunngasut kisitsisit
2008-miit 2020-mut perusutatit aasinnaavatit.
3.2
Kommunini isertitat
Nunatsinni
kommunini sisamaasuni Kommuneqarfik Sermersuumi inuit isertitaat
annertunerpaapput. Qeqqata Kommuniani isertitat qaffasissusaat nuna
tamakkerlugu agguaqatigiissinnerisa missaannik inissisimapput, isertitallu
Kommune Kujallermi, Kommune Qeqertalimmi aamma Avannaata Kommuniani kiisalu
Kommune Kujallermi nuna tamakkerlugu agguaqatigiissitsinermit 14-20 pct.-it missaanik
appasinnerullutik, tassunga tunngatillugu takussutissiaq 3.4 takuuk.
2018-imi
januaarip aallaqqaataani Qaasuitsup Kommunia kommuninut marlunnut avinneqarpoq.
Kommune Qeqertalik aamma Avannaata Kommunia. Isertitat pillugit kisitsisitigut
paasissutissani 2002-miit 2020-mut kommunit nutaat tunngavigalugit
suliarineqarput.
Takussutissiaq 3.4 2020-mi inuit isertitaat agguaqatigiissillugit
|
|
Isertitat katillugit |
Isertitat takileraaru-taasussat |
Isertitat atoriaannaat |
|
|
1.000 kr. |
||
|
Nuna tamakkerlugu .......................... |
263 |
252 |
171 |
|
Kommune Kujalleq ........................... |
217 |
204 |
146 |
|
Kommuneqarfik Sermersooq .................... |
310 |
302 |
196 |
|
Qeqqata Kommunia .......................... |
256 |
242 |
170 |
|
Kommune Qeqertalik......................... |
209 |
196 |
142 |
|
Avannaata Kommunia........................ |
226 |
213 |
150 |
Najoqqutaq: https://bank.stat.gl/INNPI101
2020-mi
inuit isertitaat agguaqatigiissillugu 5.000 kr.-it
missaanik amerleriarput, pct.-inngorlugu
1,9 pct.-iulluni.
Kommuneqarfik Sermersuumi isertitat annertuseriarnerpaajusimapput 2,3 pct.-iulluni. Kommune
Qeqertalimmi isertitat aamma annertusingaatsiarsimapput 2,1 pct.-imik.
Takussutissiaq 3.5 Inuit isertitaat tamakkerlugit agguaqatigiissillugit
|
|
2016 |
2017 |
2018 |
2019 |
2020 |
Allannguut 2019-2020 |
|
|
1.000 kr. |
Pct. |
||||
|
Nuna tamakkerlugu ........ |
244 |
250 |
253 |
259 |
263 |
1,9 |
|
Kommune Kujalleq ......... |
199 |
207 |
210 |
213 |
217 |
1,9 |
|
Kommuneqarfik Sermersooq .. |
286 |
297 |
301 |
303 |
310 |
2,3 |
|
Qeqqata Kommunia ........ |
244 |
246 |
251 |
255 |
256 |
0,6 |
|
Kommune Qeqertalik ....... |
194 |
193 |
199 |
205 |
209 |
2,1 |
|
Avannaata Kommunia ...... |
213 |
210 |
215 |
224 |
226 |
1,1 |
Najoqqutaq: https://bank.stat.gl/INNPI101
Isertitat
annertusineri malillugit pisisinnaanerup annertusinera takuniaraanni akit
ineriartorneri ilanngullugit misissorneqartariaqarput. Taamaaliorniaraani akit
naleqqersuutaasa ineriartornerat atorneqartariaqarpoq.
Akit
naleqqersuutaasa ineriartornerata ajoqutigivaa atuisunik
agguaqatigiissitsinermi atuisarneri tunngavigalugit suliaanera. Piviusoq
tunngavigalugu isertitat assigiit assigiinngitsorpassuarnik pisiassanik
kiffartuussissutinillu pisisoqarsinnaavoq agguaqatigiissitsinermit allaanerungaatsiarsinnaallutik. Taamaasilluni isertitat
pisissutaasinnaasut aalajangersarneqarsinnaanngillat. Isertitalli
pisissutaasinnaasut naatsorsorneqartarput agguaqatigiissitsinermi isertitat
aamma agguaqatigiissitsinermi atuisut atuinerat tunngavigalugu.
2002-miit
2020-mut isertitat pisissutaasinnaasut 10,5 pct.-imik
qaffassimapput. 2015-imiit 2016-imit isertitat pisissutaasinnaasut
qaffannerpaasimapput, 3,9 pct.-imik qaffassimallutik.
2016-imiit isertitat pisissutaasinnaasut qaffariartorsimapput, kisianni
2017-imi 1,6 pct.-ioriarluni
2019-mi 0,6 pct.-iusimavoq
2020-milu 0,4 pct.-ilunni, titartagaq 3.5 takuuk.
Titartagaq 3.5 2002-2020 isertitat pisissutaasinnaasut agguaqatigiissillugit
Malugiuk: Isertitat pisissutaasinnaasut naatsorsorneqarput inuit isertitaasa tamarmiusut (akileraannginnermi il.il) aamma nuna tamakkerlugu naatsorsuutini atuisunut akinut naleqqersuutaanut iluarsaassat tunuliaqutaralugit
Najoqqutaq: https://bank.stat.gl/INNPI501
3.3
Distriktini isertitat
Isertitat
siusinnerusukkut kommuniusimasunut immikkoortillugit, maanna siornatigut
kommuniusimasut distrikinik taasarpavut,
takuneqarsinnaavorlu Nuup distriktiani inuit isertitaat distriktinut allanut
sanilliullugit qaffasinnerujussuusut, takuuk titartagaq 3.6. 2020-mi
agguaqatigiissillugu Nuummi 338.000 kr.-t isertinneqarsimapput, Sisimiut
distriktianut sanilliullugu 25 pct.-inik tamanna qaffasinneruvoq. Sisimiuni 2020-mi isertitat
agguaqatigiissillugit qaffasinnerpaat tullerisimavaat. Distriktini allani
tamani Kalaallit Nunaanni isertitat tamarmiusut agguaqatigiissinnerinit
appasinnerupput.
Titartagaq
3.6. 2020-mi distriktini agguaqatigiissillugu inuit isertitaat
Najoqqutaq: https://bank.stat.gl/INNPI102
2020-mi
isertitat Qasigiannguit distriktiani qaffannerpaasimapput, 2019-imut
sanilliullugu innuttaasut 12.000 kr.-nik agguaqatigiissillugu
isertitaqarnerusimagamik, procentinngorlugu 5,8-lluni.
Nuuk distrikimi isertitat annerpaajupput, tassani
2020-mi inuit isertitaat katillugit 338.000 kr.-usimapput
1,9 pct.-inik
qaffassimallutik.
Takussutissiaq
3.6 Distriktini inuit katillugit agguaqatigiissillugu isertitaat
|
|
2016 |
2017 |
2018 |
2019 |
2020 |
Allannguut 2019-2020 |
|
|
1.000 kr. |
Pct. |
||||
|
Nuna tamakkerlugu |
244 |
249 |
252 |
258 |
263 |
1,9 |
|
Nanortalik ........ |
165 |
172 |
176 |
173 |
181 |
4,7 |
|
Qaqortoq ......... |
222 |
231 |
232 |
239 |
241 |
1,2 |
|
Narsaq ........... |
189 |
197 |
202 |
205 |
208 |
1,1 |
|
Paamiut .......... |
183 |
191 |
197 |
199 |
202 |
1,7 |
|
Nuuk ............ |
316 |
327 |
327 |
331 |
338 |
1,9 |
|
Maniitsoq ......... |
225 |
222 |
224 |
229 |
229 |
0,2 |
|
Sisimiut .......... |
255 |
259 |
265 |
268 |
270 |
0,7 |
|
Kangaatsiaq ...... |
157 |
157 |
152 |
159 |
157 |
-1,3 |
|
Aasiaat .......... |
197 |
197 |
204 |
211 |
216 |
2,4 |
|
Qasigiannguit ..... |
208 |
211 |
213 |
215 |
227 |
5,8 |
|
Ilulissat .......... |
243 |
241 |
244 |
255 |
258 |
1,4 |
|
Qeqertarsuaq ..... |
210 |
207 |
224 |
230 |
230 |
0,1 |
|
Uummannaq ...... |
216 |
212 |
213 |
217 |
224 |
3,2 |
|
Upernavik ........ |
175 |
168 |
179 |
188 |
185 |
-1,7 |
|
Qaanaaq ......... |
143 |
153 |
160 |
165 |
164 |
-1,0 |
|
Tasiilaq .......... |
167 |
175 |
183 |
179 |
182 |
1,4 |
|
Ittoqqortoormiit ..... |
184 |
178 |
189 |
191 |
197 |
3,4 |
Najoqqutaq: https://bank.stat.gl/INNPI102
2020-mi
distriktini pingasuni, Kangaatsiami, Upernavimmi aamma Qaanaami, inuit akileraannginnermi
isertitaat katillugit agguaqatigiissinnerini ikilipput. Distriktini pingasuni
taakkunani 2020-mi agguaqatigiissillugu inuit isertitaat 1,0 – 1,7 pct.-inik apparsimapput, takuuk
takussutissiaq 3.6 aamma titartagaq 3.7.
Titartagaq
3.7 2020-mi distriktini inuit isertitaat katillugit agguaqatigiissinnerini
ineriartornerit
Najoqqutaq: https://bank.stat.gl/INNPI102
3.4
Illoqarfinni nunaqarfinnilu isertitat
Nalinginnaasumik
nunaqarfinni isertitat illoqarfinni isertitanut sanilliullugit appasinnerupput,
takuuk titartagaq 3.8. 2020-mi nuna tamaat eqqarsaatigalugu inuk ataaseq
illoqarfimmi najugalik agguaqatigiissillugu 274.000 kr.-nik tamakkiisumik
isertitaqarsimavoq, nunaqarfimmi najugalik agguaqatigiissillugu 184.000 kr.-nik
tamakkiisumik isertitaqarsimasoq. Kisianni titartakkami ersarissorujussuuvoq
illoqarfinni nunaqarfinnilu assigiinngitsut, kommunimiillu kommunimut
nikerartoq.
Titartagaq
3.8 2020-mi inuit isertitaat agguaqatigiissillugu illoqarfinni nunaqarfinnilu
Najoqqutaq: https://bank.stat.gl/INNPI101
Illoqarfiit
nunaqarfiillu akornanni assigiinngissut annertunerpaaq Kommuneqarfimmi
Sermersuumiippoq. Kommuneqarfik Sermersuumi illoqarfinni najugallit
agguaqatigiissillugu inuup ataatsip isertitai tamarmiusut nunaqarfinni
najugallip isertitaannit marloriaataannik annertussuseqarput. Kommuneqarfik
Sermersuumi sumi najugaqarneq apeqqutaalluni isertitat nikingasut
takuneqarsinnaavoq. Illoqarfinni innuttaasut amerlanersaat Nuummi najugaqarput,
Nuummi isertitat qaffasissuupput, nunaqarfinnilu innuttaasut amerlanersaat
Tasiilap distriktiani najugaqartut, Tasiilallu distriktiani nunaqarfinni
najugaqartut isertitaasa appasinnerat immikkut ilisarnaataavoq.
Akerlianik
Qeqqata Kommuniani illoqarfinni aamma nunaqarfinni isertitat agguaqatigiissinneri
assigiingajapput. Tassani Kangerlussuarmi isertitat qaffasinnerat
nassuiaatissaavoq. Qeqqata Kommuniani nunaqarfinni najugallit 40 pct.-ingajai Kangerlussuarmi
najugaqarput, taakku nunaqarfinni isertitanik naatsorsuinermi nalitoorujussuupput. Narsarsuarmi isertitat aamma
qaffasipput, Kommune Kujallermilu nunaqarfinni isertitanut qaffassaallutik,
kisianni nunaqarfinni isertitat agguaqatigiissinneranni nalikinnerupput,
Kommune Kujallermi nunaqarfinni najugaqartut eqqarsaatigalugit ikinnerugamik.
Illoqarfinni
nunaqarfinnilu isertitat nikingassutaat ilaatigut ukioqqortussutsimik
tunngassuteqarpoq. Inuit sulisinnaasut akornanni isertitat nikingassutaat
ersarinneruvoq, takuuk titartagaq 3.9. Nunaqarfinni ukioqqortussutsini
assigiinngitsuni isertitat assigiiaarnerunerat, illoqarfinnilu nalinginnaasumik
sulisinnaasut, inuusuttuaqqanut aamma utoqqarnut sanilliullugit
isertitaqarnerusarnerat tassani nassuiaatissaavoq.
Titartagaq
3.9 2020-mi inuit isertitaat tamarmiusut ukioqqortussutsinut aamma
najugaqarfinnut immikkoortillugit
Najoqqutaq: https://bank.stat.gl/INNPI101
Illoqarfiit
kisiisa isigissagaanni, takuneqarsinnaavoq nikingassut annertusoq.
Takussutissiami
3.7-imi, Nuummi agguaqatigiissillugu inuk ataaseq 339.000 kr.-nik tamakkiisumik
isertitaqarsimasoq, illoqarfinni allani isertitat tamarmiusut annikinnerusut.
Sisimiuni tamakkiisumik isertitat annertunerpaat tullerivaat, tassani inuk
ataaseq 266.000 kr.-nik isertitaqarsimavoq. Illoqarfinni agguaqatigiissillugu
isertitat tamarmiusut 2020-mi 274.000 kr.-usimapput.
Nuna tamakkerlugu illoqarfinni isertitat tamarmiusut agguaqatigiissinnerini
Nuummi isertitat kisimik qaffasinnerupput.
Takussutissiaq
3.7 Illoqarfinni agguaqatigiissillugu inuit isertitaat tamakkiisut
|
|
2016 |
2017 |
2018 |
2019 |
2020 |
|
|
1.000 kr. |
||||
|
Nuna tamakkerlugu ............ |
254 |
260 |
263 |
269 |
274 |
|
Nanortalik ..................... |
181 |
183 |
192 |
189 |
196 |
|
Qaqortoq .......................... |
227 |
236 |
237 |
243 |
245 |
|
Narsaq ............................ |
181 |
189 |
195 |
198 |
201 |
|
Paamiut ........................... |
183 |
189 |
197 |
199 |
203 |
|
Nuuk ............................. |
318 |
329 |
329 |
333 |
339 |
|
Maniitsoq .......................... |
235 |
232 |
234 |
238 |
240 |
|
Sisimiut ........................... |
251 |
256 |
262 |
264 |
266 |
|
Kangaatsiaq ....................... |
168 |
165 |
164 |
175 |
177 |
|
Aasiaat ........................... |
197 |
198 |
205 |
211 |
217 |
|
Qasigiannguit ...................... |
209 |
214 |
216 |
217 |
231 |
|
Ilulissat ........................... |
244 |
244 |
246 |
258 |
263 |
|
Qeqertarsuaq ...................... |
211 |
207 |
225 |
231 |
231 |
|
Uummannaq ....................... |
220 |
220 |
223 |
227 |
231 |
|
Upernavik ......................... |
200 |
200 |
204 |
222 |
221 |
|
Qaanaaq .......................... |
149 |
160 |
168 |
174 |
171 |
|
Tasiilaq ........................... |
184 |
189 |
201 |
200 |
200 |
|
Ittoqqortoormiit..................... |
181 |
176 |
188 |
190 |
196 |
Najoqqutaq: https://bank.stat.gl/INNPI102
Nunaqarfiit
eqqarsaatigissagaanni nunaqarfiit mittarfeqarfiusut, Kangerlussuaq
Narsarsuarlu, immikkut isigineqartariaqarput, taakkunani isertitat
anginerujussuunerat pissutigalugu, takussutissaq 3.8 takuuk. Mittarfeqarfinnit
marluusuni nuna tamakkerlugu isertitat agguaqatigiissinnerannit isertitat
qaffasinnerupput.
Takussutissiaq
3.8 2020-mi agguaqatigiissillugu inuit isertitat tamakkiisut nunaqarfinni
qaffasinnerpaamik isertitaqarfiusuni
|
|
2016 |
2017 |
2018 |
2019 |
2020 |
|
|
1.000 kr. |
||||
|
Kangerlussuaq (Sisimiut distrikt) ... |
317 |
319 |
325 |
343 |
336 |
|
Narsarsuaq (Narsaq distrikt) ....... |
295 |
301 |
290 |
304 |
292 |
|
Oqaatsut (Ilulissat distrikt) ........ |
244 |
244 |
246 |
258 |
263 |
|
Ukkusissat (Uummannaq distrikt) ... |
257 |
246 |
239 |
235 |
252 |
|
Qeqertarsuatsiaat (Nuuk distrikt) ... |
175 |
182 |
206 |
204 |
247 |
|
Kangerluk (Qeqertarsuaq distrikt) .. |
215 |
243 |
231 |
213 |
220 |
|
Ikerasak (Uummannaq distrikt) ..... |
194 |
190 |
188 |
195 |
215 |
|
Saqqaq (Ilulissat distrikt) ......... |
233 |
195 |
245 |
223 |
213 |
|
Itilleq (Sisimiut distrikt) ........... |
164 |
173 |
187 |
196 |
212 |
|
Sarfannguit (Sisimiut distrikt) ...... |
215 |
199 |
182 |
188 |
211 |
Najoqqutaq: https://bank.stat.gl/INNPI103
Kangerlussuaq
Narsarsuarlu immikkuullaripput, taakkunani isertitat nunaqarfinnut allanut
sanilliullugit qaffasinnerungaatsiaramik, takuuk takussutissiaq 3.8.
Mittarfeqarfinni isertitat nuna tamakkerlugu agguaqatigiissillugu isertitanit
qaffasinnerupput.
Qaqortup
distriktiani agguaqatigiissillugu inuit isertitaat 110.000 kr.-ullutik
isertitakinnerpaaffiusimavoq Saarloq, 2020-milu Qaqortup distriktiani
nunaqarfiit tamarmik isertitakinnerpaaffiusimapput. Takussutissiami 3.9-imi,
nunaqarfiit qulit isertitat tamakkiisut agguaqatigiissinnerini appasinnerpaamik
isertitaqarsimasut, takuneqarsinnaapput.
Takussutissiaq
3.9. 2020-mi agguaqatigiissillugu isertitat tamakkiisut nunaqarfinni
appasinnerpaamik isertitaqarfiusuni
|
|
2016 |
2017 |
2018 |
2019 |
2020 |
|
|
1.000 kr. |
||||
|
Saarloq (Qaqortoq distrikt) ........ |
107 |
107 |
98 |
101 |
110 |
|
Sermiligaaq (Tasiilaq distrikt) ...... |
97 |
100 |
114 |
121 |
118 |
|
Qeqertaruaq (Qaanaaq distrikt) .... |
116 |
114 |
118 |
111 |
123 |
|
Iginniarfik (Kangaatsiaq distrikt) .... |
116 |
119 |
108 |
125 |
125 |
|
Aappilattoq (Upernavik distrikt) .... |
122 |
112 |
127 |
131 |
127 |
|
Ikkatteq (Tasiilaq distrikt) ......... |
120 |
142 |
131 |
128 |
128 |
|
Aappilattoq (Nanortalik distrikt) .... |
110 |
116 |
122 |
118 |
130 |
|
Attu (Kangaatsiaq distrikt) ........ |
157 |
158 |
153 |
140 |
130 |
|
Kuummiit (Tasiilaq distrikt) ........ |
120 |
120 |
127 |
121 |
136 |
|
Isertoq (Tasiilaq distrikt) .......... |
125 |
131 |
131 |
123 |
139 |
Najoqqutaq: https://bank.stat.gl/INNPI103
3.5
Isertitat suiaassutsimut immikkoortillugit
2020-mi
angutip agguaqatigiissillugit isertitai tamarmiusut 292.000 kr.-upput, arnallu
isertitai 231.000 kr.-ullutik, takussutissiaq 3.10 takuuk. Nuna tamakkerlugu
angutip isertitai agguaqatigiissillugit 26 pct.-inik arnap isertitaanit annertunerupput.
Angutit
sulisinnaasut, arnanut sulisinnaasunut sanilliullugit amerlanerunerat
naatsorsuutini ilanngunneqanngilaq, angutit amerlanerusut sulisinnaasut ukiui isertitaqqortunerpaaffiup nalaaniipput, utoqqaallu
akornanni tassa isertitakinnerpaani arnat amerlanerullutik. Taamaattumik
isertitat nikinganerat kisitsisinit ersersinneqartunit appasinneruvoq.
Takussutissiaq
3.10 Agguaqatigiissillugu inuit isertitaat tamakkiisut suiaassutsinut
immikkoortillugit
|
|
2018 |
2019 |
2020 |
|||
|
|
Angutit |
Arnat |
Angutit |
Arnat |
Angutit |
Arnat |
|
|
1.000 kr. |
|||||
|
Nuna tamakkerlugu ........ |
284 |
219 |
288 |
226 |
292 |
231 |
|
Kommune Kujalleq .......... |
222 |
196 |
226 |
199 |
228 |
205 |
|
Kommuneqarfik Sermersooq .. |
342 |
255 |
342 |
260 |
350 |
267 |
|
Qeqqata Kommunia ......... |
283 |
212 |
287 |
218 |
287 |
221 |
|
Kommune Qeqertalik ........ |
213 |
183 |
216 |
194 |
220 |
198 |
|
Avannaata Kommunia ....... |
241 |
185 |
251 |
193 |
250 |
198 |
Najoqqutaq: https://bank.stat.gl/INNPI101
Takussutissiami
3.10-mi takuneqarsinnaasut malillugit angutit isertitaat arnat isertitaanit
kommunini tamani qaffasinneruvoq. Ukioqqortussutsit eqqarsaatigalugit
nikingassut aamma tamani atuuppoq. Ukioqqortussutsini tamani angutit 2020-mi
isertitaat arnat isertitaannit qaffasinnerupput, titartagaq 3.10 takuuk.
Titartagaq
3.10 2020-mi agguaqatigiissillugu inuit isertitaat ukioqqortussutsinut aamma
suiaassutsinut immikkoortillugit
Najoqqutaq: https://bank.stat.gl/INNPI101
Inuttut
qanoq inissisimaneq sumilu najugaqarneq apeqqutaallutik isertitanut
suiaassutsinullu agguarnerini isertitat nikinganerat titartakkami
takuneqarsinnaavoq.
3.6
Isertitat ilinniagaqarsimanerup qaffasissusaanut immikkoortillugit
Ilinniakkap
qaffasissusaa isertitallu ataqatigiinneri malunnaateqarput. Inuit
ilinniarluarsimasut isertitaat qaffasinneruvoq inunnut
ilinniagaqarsimanngitsunut aamma appasinnerusumik ilinniarsimasunut
sanilliullugit. Ilinniarluarsimasut suliffillit ilinniarluarsimasuunngitsuniit akissarsiaginnerunerannik tamanna annerusumik
peqquteqarpoq.
Ilinniarluarsimasut
akornanni suliffeqartut amerlaneruneri taamaasillunilu suliffissaaleqisut
ikinneruneri isertitat qaffasinnerinerinut pissutaaqataasut ilagaat.
Ilinniarluarsimasut akornanni ikinneroqisut sulinngikkallarnermi pisortanit
ikiorsiissutinik pisarput, appasinnerusumik ilinniarsimasut akornanni
sulinngikkallarnermi pisortanit ikiorsiissutinit pisartut taakkununnga
sanilliullugit amerlanerungaatsiarput.
Titartakkami
3.11-mi takuneqarsinnaapput kisitsisit ukioqqortussutsinut eqimattakkuutaannut
agguarlugit, ukioqqortussusaat assigiikkaluartut inuit ingerlariaqqiffiusumik
ilinniarsimasut isertitaat qaffasinnerusut, appasinnerusumik ilinniagalinnut
sanilliullugit, takuneqarsinnaavoq.
2020-imi
allaaneruvoq, tassa inuussutissarsiummik ilinniagaqarsimasut 70 – 74-inik
ukiullit agguaqatigiissillugu isertitaat ilinniakkat ukioqqortussutsillu allat
tamaasa qaangersimammatigit.
Titartagaq
3.11 2020-mi agguaqatigiissillugu inuit isertitaat tamakkiisut
ukioqqortussutsimut aamma ilinniakkamut naammassisimasamut immikkoortillugit
Najoqqutaq: https://bank.stat.gl/INNPI104
Takussutissiami
3.11-mi takuneqarsinnaavoq illoqarfinni nunaqarfinnilu isertitat assigiinngissusaat,
ilinniarsimanerullu qaffasissusaa eqqarsaatigalugu isertitat nikinganerat
annikinneruvoq. Illoqarfinni nunaqarfinnilu isertitat assigiinngissusaat
ilaatigut nassuiarneqarsinnaavoq nalinginnaasumik illoqarfinni ilinniarsimasut
qaffasinnerusumik ilinniarsimasuusarnerat.
Takussutissiaq
3.11 2020-mi agguaqatigiissillugu inuit isertitaat tamakkiisut najugaqarfinnut,
suiaassutsinut aamma ilinniakkamut naammassisimasamut immikkoortillugit
|
|
Illoqarfinni |
Nunaqarfinni |
||
|
|
Angutit |
Arnat |
Angutit |
Arnat |
|
|
1.000 kr. |
|||
|
Tunngaviusumik ilinniarfik ............. |
219 |
163 |
183 |
140 |
|
Ilinniarnertuunngorniarfik ......... |
305 |
199 |
230 |
186 |
|
Inuussutissarsiutigalugu ilinniarfik .. |
405 |
277 |
283 |
222 |
|
Sivikitsumik ingerlaqqiffiusumik ilinniarfik... |
317 |
302 |
289 |
257 |
|
Ingerlaqqiffiusumik ilinniarfik akunnattumik sivisussusilik........................ |
526 |
412 |
395 |
412 |
|
Ingerlaqqiffiusumik ilinniarfik............ |
752 |
590 |
.. |
.. |
Najoqqutaq: https://bank.stat.gl/INNPI104